Огноо:  2020.04.08

Төсөл сонгон шалгаруулалтын  нэр: Хөгжлийн бэрхшээлтэй иргэний онцлогт нийцүүлсэн байнгын ажлын байр бий болгох зорилгоор боловсруулсан төслүүдэд санхүүгийн дэмжлэг олгох сонгон шалгаруулалт

Төсөл сонгон шалгаруулалтын  дугаар: ХБХХЕГ/20200408/

Хөгжлийн бэрхшээлтэй хүний хөгжлийн ерөнхий газар нь Хөгжлийн бэрхшээлтэй иргэний ажлын байрыг дэмжих хөтөлбөрийн санхүүгийн дэмжлэг олгох арга хэмжээг зохион байгуулах хүрээнд “Хөгжлийн бэрхшээлтэй иргэний онцлогт нийцүүлсэн байнгын ажлын байр бий болгох” сонгон шалгаруулалтад төрийн бус байгууллага, аж ахуйн нэгжүүдийг төсөл сонгон шалгаруулалтад материал ирүүлэхийг урьж  байна.                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                 

Хөгжлийн  бэрхшээлтэй иргэний онцлогт нийцүүлсэн байнгын ажлын байр бий болгох төслүүд нь дор дурдсан тэргүүлэх чиглэлүүдтэй байна. Үүнд: 

  1. Үйлчилгээний салбар /Хөгжлийн бэрхшээлтэй иргэнийг тогтвортой ажиллуулах үсчин, гоо сайхан,  бариа засал, цайны газар, кофе шоп, оёдол, гутал засвар, гар урлал гэх мэт/
  2. Хөнгөн үйлдвэрлэлийн салбарт /Хүнс, талх, нарийн боов, бууз баншны үйлдвэрлэл, мужаан, модон эдлэлийн үйлдвэрлэл, сийлбэр, эсгий, эсгий эдлэл, цаасан уут, дугтуй гэх мэт/
  3. Хөдөө аж ахуйн салбар /Хөгжлийн бэрхшээлтэй иргэнийг жимс, хүнсний ногоо тариалах, боловсруулах чиглэлийн үйлдвэрлэлд ажиллуулах, мах, сүү, сүүн бүтээгдэхүүн боловсруулах чиглэлийн үйлдвэрлэл болон фермерийн аж ахуй ахуй эрхлэлт гэх мэт/
  4. Мэдээллийн технологи, цахим үйлчилгээ, бүх төрлийн хэвлэлийн үйлчилгээ, дуу бичлэгийн студи гэх мэт.

Төсөл сонгон шалгаруулалтад сүүлийн 24 сарын хугацаанд Хөдөлмөр эрхлэлтийг дэмжих сангаас төсөл хөтөлбөрт хамрагдсан төрийн бус байгууллага, аж ахуйн нэгжүүдийн материалыг хүлээн авахгүй.

Төслийн бичиг баримтын иж бүрдлийг эргэн төлөгдөхгүй нөхцөлтэйгөөр 50.000 мянган төгрөгөөр худалдаж авна. Төслийн материалыг худалдаж авснаар төсөл сонгон шалгаруулалтад оролцох эрх үүснэ.

Төслийн материалыг 2020 оны 05 сарын 08-ны өдрийн 10.00 цагаас өмнө ирүүлэх бөгөөд 2020 оны 05 сарын 08-ны өдрийн 11.00 цагт нээнэ. Нээлтэд оролцох хүсэлтэй төслийн материал ирүүлсэн оролцогчдыг байлцуулан Хөгжлийн бэрхшээлтэй хүний хөгжлийн ерөнхий газрын 3 давхарын хурлын зааланд нээнэ. Дэлгэрэнгүй мэдээллийг дор дурдсан хаягаар авна уу.

Улаанбаатар хот, Сүхбаатар дүүрэг, 7 дугаар хороо,  Эрхүүгийн гудамж, Хөгжлийн бэрхшээлтэй хүний хөгжлийн ерөнхий газар, Бодлогын хэрэгжилтийн газар 118 тоот, Холбоо барих утас: 77073002, 86300006